النفس السليمة المطمئنة

النفس السليمة المطمئنة النفس السليمة المطمئنة                           هاذ الزمان  ،الناس كامل تعبانة   وتشكى وماهيش راضية ،،لكان...

النفس السليمة المطمئنة

النفس السليمة المطمئنة

                         

هاذ الزمان  ،الناس كامل تعبانة   وتشكى وماهيش راضية ،،لكان نشوفو حالنا  ونقارنوه بيمات زمان ، نلقاو  ظروف مادية متحسنة.

 كااامل  الناس عندها  واش تاكل واش تلبس  طاكسيات تحواس  .هذو من فترى بعيدة كانت  صعيبة ،وظرب من الخيال

الناس فى افراحها ديرلك  انواع لا تعد من القاطو  والتنوع فى الماكلة  .زمان كان العرس بلقليل القليل  .لكن الناس كانت تستنى وكت يوصل نهار العرس .ذرك تروح ساعتين وتحسبلهم الف حساب .
واش راح تفهم ؟ كل ما تحسنت الظروف راحت النية ؟  ولا واش كان  واش راو يتبدل ؟  ألى ماتولهنالوش هو قلوبنا .كيفاه ولات  وكيفاش تتصرف  ؟
 المشكل فى القلب  اضياق وضاقت عليه الدنيا رغم انها تمشى وتتوسع. الناس كامل عايشة فى ديار احسن من تاع زمان وتاكل احسن من زمان  وديما تبكى على الماضى وتتمنى يرجع .علااااش؟؟؟
لان الانسان نتاعنا يمشى لورا يتراجع   الدنيا تتقدم وهوى  يتراجع . التطور هذا يحتاج ناس مطورين بافكارهم وافعالهم  يسايرو الظروف  يتماشاو مع الواقع

النفس السليمة المطمئنة

العيب ماشى فالزمان  العيب فالناس حابة تعيش معيشت بكرى فى وقت ذرك
كل واحد  يشوف قدامو ويفكر  واش اقلق فيه واش مخليه يبكى ايام زمان ؟ راح يلقى روحو ذرك مدمر لا نجاح لا صوارد لا شان لا عز  يدور ادور وردها لزمان ونيت الزمان . لوكان اردولو ذاك الزمان  يكره حياتو .
 امالا واحد مايزيد يجبدنا حكايت الزمان كانت ليام مليحة . انما اصحح انو ما دار والو فى زمانو وقاعد غير يبكى ويشتكى  والعيب كل العيب فيه.
روح عند انسان ماوش قاعد   ناجح  العام ليجى خير من ليروح كل عام يزيد حاجة  ،  عايش بفرح وتفاؤول ومحبة وانتاج وتعب  ،
 سقصيه راح تحسو فرحان سعيد عاجبو لحال .احن فقط ليماه ولا لمة دارهم ولكن ابدا مايسخطش على وقتو لانو يجنى منو كل الخير..
ولكن ماتروحش تسقصى سراق     ولا كاش فاسد غنى   .على الزمان لانو راح يكذب وعمرو يقولك الصح.
الخلاصة  واش داخلكم تحسوه  غيرو من نظرة الحزن تفرحو  .غيرو من فكرة التشاؤوم  وتفاألو.
شوفو الخير اجيكم حوسو على السعادة تلقاوها تحوسو على الهم يجرى ليكم.