المسؤولية الزوجية

توضيح بعض المفاهيم المغلوطة عن الزواج ومسؤولياته

اقامة علاقة زوجية سعيدة

المسؤولية الزوجية

منين تزيد الطفلة ويماها تستنى نهار عرسها   كلمة زوج تقولها لازم تتعلمى باش تروحى لراجلك .تعلمها الطبيخ شغل البيت    تعلمها كفاش تعدل بيتها   كل شيئ إلا ماتحتاج له  فى اقامة علاقة زوجية سعيدة

•  وحتى الزوج نفس الشئ  يعلمو باباه يفتش على خدمة ادير الدراهم  وبالقليل ينعتلو اشكون لازم يتزوج
• جهل تااام بالمسؤولية  الى راح يقدمو عليها . الزواج عقد  عظيم  ومدى الحياة  مانستهينوش بيه ونتعاملو معاه بهاذ البساطة  لازم نعلمو ولادنا   من التجارب نتاعنا او نعلموهم البحث بأنفسهم  لمعرفة   مقومات  نجاح العلاقة الزوجية
•  قبل ما توجدى لبنتك جهازها وتصرفى  اكثر من المقدور نتاعك  اصرفى على تكوينها   .وخليها تتكون وتتخصص فى اى عمل مفيد باش تستقل ماديا وتكون قاوية تساعد زوجها مشاق الحياة كثرت والراحة تطلب   اشتراك الزوجين
•  ربيها اكوو عندها حاجة تهتم بيها وماتكونش قاعدة فارغة شغل  .الفراغ يخلق المشاكل  وخلى البنت تهتم بالتفاهات . وليكن فى علم الجميع معظم الخلافات الزوجية هي لكثرت التفاهة
•  مهم جدا  تكوين البنت على ان تكون لها شخصية قوية وعمل خاص بيها   . تعلمى بنتك تحسن الاحتيار ماتتزوجش لانها كبارت فقط لازم الزوج يكون فيه الشروط المطلوبة بالنسبة ليها  لان بزااف يتزوجو برك ومن بعد يكرهو حياتهم . علاش هاذ الاستهتار بالحياة .  ربي بنتك ناجحة ولها اهداف ولا تدخل علاقة إلا عند توفر الشروط
  
  
  

  

  المسؤولية الزوجية

   
•   .  الطلاق كثر جداا لان الامهات تربى بنتها على انتظار الزوج فقط متربيهاش على التفوق فى الحياة  والنجاح فيها     الزوج اجى وحدو ماتعبيش باش تجيبيه اتعبى على تطوير روحك وخلق مكانة مليحة لكى فى الحياة. المرى القاوية   يحبوها الرجال  القوة مغنطيس   كونى قاوية ويجيوك الازواج وتخيرى  .
•  ايتها الام ربي بنتك التربية الصحيحة وماتربيهاش تستنى طول عمرها غير وكت تتزوج  ونفس الشي للرجل  كلما كان مستعد  للزواج ماديا كان الزواج انجح  بالنسبة للرجل عملية الاختيار بسيطة لأن لايتزوج إلا من يريد  ماشى كيف الطفلة. لانو مايهموش العمر  يتزوج وقت مايحب .
•  اما بالنسبة للعقلية نتاعو لازم ابدلها وحكاية المرى خادمة ومطيعة  وهو كل شيئ هذى تانى راحت مابقاتش ماتديش طبيبة مهندسة وتحب تعاملها معاملة جدك لجداتك تبدلت الدنيا وكلش اصبح  بالتفاهم والمساوات 
•  الوالدين ربيو ولادكم على المساوات  بينو وبين ختو حتى يتقبل ان يتساوى مع مرتو يعاونها فى شغل الدار ويقبل خدمتها  لبرى   

تغيرت الظروف غيرو من اسلوب تربيكم لولادك .
الخلاصة كل ما كنت قاوى تكون الخياة سهل  ليك  .
 كونو من انفسكم والباقى اجى وحدو